Wawancan

WAWANCAN KALAMA

Assalammualaikum
Awal Kubukak Kata
Mahap jama Penuntun
Pakhwatin Sai Mulia

Anjo Kubukak Kisah
Kisah Anjak Kalama
Kiwancan Hinji Salah
Sikam Dua Ngalimpukha

TabikPun Ngata Tabik
Layin Ki Sanbakhana
Haga Buwancan Cutik
Dilom Hinji Kelasa

Terhadap di Sai Khamik
Khusus Nabbai Sai Dija
Kantu Ya Salah di Pik
Mahap Pun Ngalimpukha

Tengkhasa Mangkung Bangik
Kimangkung Sambuk kata
Kinjuk Way Dilom Cubik
Mak Ngedok Khasa Gula

Layin Ya Wat Pik Sanik
Sakedakh Bucakhita
Mula Wat Ti Pukicik
Kenai Jadi A inda

Punnabbaian Kheji Pik
Anjo Sikam Nyamuka
SitiCincing Mak Ngemik
Nguntaiko Culuk Khua

TegosNi Dang Pai Sebik
Kimak Halok diKhasa
Tisanik Malk Kena Di Pik
KilU MaklumNe Sia

Cakhita Ganta Balin
PengalamanNi Kalama
Khepa Gaya Ni Pakhwatin
Khadu Papakh Dija
( AmpohanNi Kalama )

Anjo Dai Ya Pak hwatin
DandanNi Kalama
Pengahut Mak Ki Layin
Di Anak Sai Wat Dija

Kain Handak Sa Khilang
TandaNi Kham Muwakhi
Anjo Ku Balin Subang
Layin Hak Wat KhetiNi

Tentara Di Palembang
Latihan Ni Innggal Khani
Hana – Hana Ni Subang La…….Sap
Penghenguk PenghanggumNi

Nanom khaman di Langan
Bubanjakh Batang Duku
Kuti Pandai Nenggalan
KalamaMo Mak Mampu
KalamaMo Mak Mampu
SegalaNi Mak ngedok
Kantu Wi ganta Payu
Dang Lamon Ti Sa Sepok
Kham nganto dalih Bupenyin
Kisalah Ngalimpukha
Sokokh Kham Munyai Seunyin
Dapok Putungga Dija
Tekhima Kham Seunyin
Bantuan Sakhte Du’a
Kalau JasaNi Pakhwatin
Di Balos Sai Kuasa
Waktu BuBiluk Akhah
Khusus Di ANAK k ham Dija
Hani tiyan Sai Nyukhah
Kmhajin – khajin Bukakheja
MaknaNi Sina Kalimah
Kalama Dang Kilupa
Kantu Wat Cawa Salah
Ampun Bu Khibu Laksa
Lapah kham tandang cabi
Mid Gunung Parada Jaya
KalamaMo Di Tangbah Dudi
Dang Sampai Haga Lupa
Togok Dija Istilah
Istila Ni Kalama
Kuakahiri Hamdalah
Wassalam Antak ija.

Wassalamualaikum Wr. Wb